إحكي يا مصر
بقلم الشاعر//اشرف هاشم عبد الصادق
إحكي يا مصر
إبتدي من جنوب الوادي
وإركبي القطار وإحكي
علي تاريخ ثقافة وطن
يا بلادي
أسوان والعقاد
وخيرك من بداية نيلك
وأثارك علي ضفاف شطك
وأهل الصعيد
وأغانيهم حفظوها
في الغربة إتكلموها
لقصر بلدنا غنوها
ومشايخ قنا وكرمها
والابنودي بأشعاره صورها
سوهاج
والطهطاوي صفحة بابك
وانتماء الحب
في عيون من حبك
أسيوط والمنفلوطي
والمنيا وطه حسين
وثقافة مصر بمعجزة
كفيف عفيف النفس
ومناصب بفكر جديد
ودم النيل يجري فيهم
وينادي إحكي
يا بلادي
بني سويف والفيوم وجمال المنظر
والسواقي وبط بيعوم باحلي منظر
وجيزه تاريخك واهرام سايحك
والقاهرة جوامعك وكنايسك
وجيشك وقائدك
يابلادي
أحكي يا مصر بقطارك
وشط النيل وخضرته تنادي
يا مصر إنت الي زرعتِ بتهادي
الطير علي الشجر يزهز ويقول
كلوا يا اولادي من ثمر واغصان
بلادي
يا أغصان الشجر والورد
إجمعوا الحب قولوا لليد
الشقيانه بعرق
بلادى
رفرفوا وصفقوا وظللوا
السما على كل من يفرح
ببلادى
خلوا الغنوه الصافيه غناوى
السكه لسه طويله بتنوريها
يا بلادى
نيلك لابس سمارك وضحكتك
فيه يتجلجل كل الأعادي
انا عطشان من حضنك
مهو حضنك دافى
ما انت ِ الام والاب
يا بلادى
يكفينى بحرصى أنا مصري
وبفتخر بيكى وشعبك
بيدعيلك وبرك حنان
للقريب وغريب
يا بلادي
حلمك حيتحقق ويضوى
في كل مكان وقطارك
حيوصل بر الامان
وعطرك فاح في كل الاوطان
يا بلادى
حصبر معاكى
وحشوف
المصانع وكل صانع
وحشوف
المزارع وكل زارع
ورواية قصصك
حتحكي وتقول
يا مصر ده عصرك
ونصرك في اسمك
علي قسمك
يا بلادي
الله حاميكي بجيشك
من اعادكي والكنانة
بسهامها بتصوب على
كل من يغلط فيك
يا بلادى
طيفك بيكرم ضيفك
وكرمك على بوابة بابك
قسمت سطور قلمك
كتبت في مسطورك
بداية تاريخك ما فبل التاريخ
واهرامك بيزيد هرم بعد هرم
وباستنى منك اى امر
وشعراءك عشقناك
وترابك كحل عيونا
ودوى السايح
ودوى قلوبنا
يا بلادى
أحكى يا مصر
بقلم الشاعر//اشرف هاشم عبد الصادق
ليست هناك تعليقات:
إرسال تعليق