انا نفسى اجيب عربية . بقلم المبدع // جمال الدين اسماعيل

فى احدى الصحف اليومية 
نشر شاعرى الراقى (محمد بهجت )
تحت عنون ( زجلو كليب ) قصيده عنونها ( سيارة للبيع ) بيقول 
( سيارة للبيع )
ــــــــــــــــــــــــ
عربيتى فيها بوش 
وراكبها عفركوش 
بتنط شمال وتحدف 
ما تقولش حمار فى حوش 
********************
عربيتى مغلبانى 
فى الطلعة الامريكانى 
لما بتسخن تدخن 
وتولعنى فى مكانى 
****************
على طول شكمانها ضارب 
وملمسه الكهارب 
والابلاتين فى وشى 
يلدع زى العقارب 
****************
ماشية من غير فرامل 
وتخلى الناس ارامل 
لو قلت عليها داهية 
يبقى انا فعلا بجامل 
****************
للبيع من غير تمن 
مبروك مقدما 
ولو مافيش زباين 
حاسيبها للزمن 
( الشاعر / محمد بهجت ) 
*********************
&&&&&&&&&&&&&
**********************
يصرحة عجبتنى القصيده وشدتنى 
وليتنى برد عليها بقصيده بقول فيها 
( انا نفسى اجيب عربية ) 
*********************
انا نفسى اجيب عربية 
تكون من غير فلوس **
عربية تكون بالية 
ما تريح فى الحلوس **
وماتورها دايما مولع 
الكرسى والفانوس **
******************
عربية تكون رخيصة 
او حتى من غير تمن **
لا سند ولا بوليصة 
ولا حتى هدفع شلن **
هدية من اخ غالى 
وباركلى مقدما **
****************
لو يوم سابت الفرامل 
هدوس على الدبرياج **
الاقيها نط لفوق 
على لوح الابلا كاش **
وتهون كل عيوبها 
علشان هى ببلاش ** 
الرد من 
(( الشاعر / جمال الدين اسماعيل ))
( بستان الاشعار ) — ‏‏‏يشعر بـ‏القناعة‏.‏