.بتخاف ليه ياقلبي . بقلم المبدع // أيمن بلال

...............بتخاف ليه ياقلبي
بتخاف ليه ياقلبي
م الحب ومن صحابه
اغلط وسيبني أحب
ده العمر لسة ف شبابه
خايف من جرحه وللا
خايف من ليل عذابه
خايف من دمعه وللا
خايف ياخدك سرابه
...................................بتخاف ليه ياقلبي
ياقلبي ياللي ساكت
تعبتني سنين سكاتك
ماتسيبش عمرك يعدي
والوحدة تسرق شبابك
جرب مرة وعيش هواك
خليني أعيش الحب معاك
عيش الهوي وخليني وياك
وخليك ياقلبي مرة من صحابه
...........................................بتخاف ليه ياقلبي
ياقلبي الحب كلمة
حرفين همة حروفها
مش قابلين لقسمة
أبدا ما بين صحابها
ومهما منه يجري
راضيين برضه بعذابه
ويقسي مهما يقسي
واقفين برضه علي بابه
...........................................بتخاف ليه ياقلبي
ياقلبي حبيبك هناك
ماتروح عليه وتكلمه
يمكن راضي بهواك
بس اتجرأ واسأله
يمكن يكون نصيبك
ومن زمان حبيبك
ولا جرحه يوم يصيبك
وتعيش هناه بدل عذابه
......
أيمن بلال