الخيانة . بقلم المبدع // طارق عطية

الخيانة
لو اشتكيت ..الصبر 
أبقى أفتكر الخيانة
سقيتني ..كأس المر
نسيت معنى الأمانة
خلاص العمر...... ضاع
مابين شك...... وخداع
مش قلبك ده اللي باع 
ولا فى قلوب معانا.
وحيعمل إيه... العتاب
ماخلاص. هان العذاب
وفتحت.... لقلبي باب
يمكن نلاقيه دوانا.
كان فين حب السنين
ولا نسيت..... الحنين 
خاين... منتاش أمين 
ليه ترضالى الإهانة.
خليت ليه ما بنا سور
ميعديش...... منه نور
قلبى بقى... أرض بور 
لا زرعنا ولا سقانا.
أنت غواك.. الجمال 
ولا طمعان فى مال
لو تسرح ...بالخيال 
مرة فى ساعة لقانا.
أنسى الحب اللى كان
أوعى..... تلوم الزمان 
قلبك ....هو اللي خان
وباعنا واشترانا .
بقلمي....طارق عطية 
.............شعر غنائي