كنت فاكرك( هوتار) بقلم المبدع // مصطفى_قمر

كنت فاكرك( هوتار)

كنت فاكرك ضى ننى بيحيي عينى
كنت فاكرك نور سنينى
لقمة ومغمسها شهد فوق جبينى
تقلبى ليه ف العداوة
تصبحى لعينى الغشاوة
وعلموك ليه القساوة
حته من كبدك ودينى
عمرى شايله ليكى زينه
شوفى كان ليكى المدينه
قلبى كان مرسى السفينه
ليه طيورى فيكى الحزينه
واللى بايعك كان رتينه
فى الكلب ف كل شينه
هوه نورك له جسورك

اما انا الغرقان ف سفرة يوم ف بحرك
ابنك انا والا كان تمام ف شهرك
يعنى ضنى ليكى وليه اشرب لقهرك

صبرى نول مغزول حرير بيشد ضهرك

دهن جسمى كان قناديل تنور كل دربك
دمى كان ريان ف نيلك لو يشيلك
ابنى وابن ابنى جيلك زى تيلك
صوتى كان ريان نادى لك

يا بهيه كنت انا ف عنيكى ميه
عيشتى فيكى بقت رديه
علمونى اغش لونى بالف لون
توهونى بالعصايا الحيزبون
بيعصروا المى بشوب لمون
ينزل على جرحى يحرقه ف السجون

دقت نار الذل عايش ف انكسار

دقة الزار فيكى عليت ف المزار

طببل عالى ورقص والى ف المدار
والحزام مشدود على الوسط بمرار

قولى يا امه ايه الحكاية هوه تار
##مصطفى_قمر