بسم الله الرحمن الرحيم
الحاجة اللى بتعجبنى فيكى
إنك بتنامى و تصحى بدرى
رغم الهم ماليكى
تقومى من النوم تجرى
لإنك أم و همك الكبير
ترضى الكل
و تشيلى الحمل التقيل
يا ريت كان منك وزير
الحاجة اللى بتعجبنى فيكى
إنك مضحية
بكل حاجة ليكى
و راضية تكونى للكل ضحية
لإنك أم و قلبك كبير
يسعى الكل
مهما كان الوضع خطير
يا ريت كان منك رئيس جمهورية
ما كانشى ده بقا حالنا و انتى وليه
الحاجة اللى بتعجبنى فيكى
إنك ملاك
رغم النوم فى عنيكى
قايمة و راضية بالهلاك
الحاجة اللى بتعجبنى فيكى
إنك أعظم من مصر
يا ريت كانت بين ايديكى
و لكى فيها ألف قصر
ما حد يقدر يسرق قلبك
و لا حد يقدر يتاجر بحبك
بحبك بحبك يا اللى انتى مش أمى
لكن بحبك و افديكى بعمرى
محمد أبوالمعاطى
ليست هناك تعليقات:
إرسال تعليق