أنا خايف . بقلم المبدع // احمد ابراهيم

انا خايف
بأني أكون
عذاب ليكي
وزود جرح علي جرحك
ومش لاقي
لعنيكي بديل
ونفسي أداوي أحزانك
يكون فرحي سبب فرحك
وأرسملك
في قلبي دليل
وأزرع جوه بستانك
قصيدة حب علشانك
الاقي الضحكه ف عيونك
بتطرح م الغني مواويل
اشوف البسمه في شفايفك
بتداري ورا خدودك
يغير البدر من صورتك
وتشتاقلك نجوم الليل
أنا نفسي
تضميني
تدفيني بأنفاسك
وتسقيني
حنان الحب من كاسك
تلاقيني
انا وقلبي
بنفرشلك
ورود تطرح
في بستانك
والون بالخضار عينك
وانقش م الورود طرحه
علي جبينك
 عشان يرويها احساسك

احمد ابراهيم