لما تبقى
_____________________________
لما تبقى إلهام شاهين
نجمة ليها معجبين
لو تشاور راح تلاقي
ألف مليون خدامين
فيلم واحد تبقى فوق
ف العلالي بكل ذوق
والشباب هايمين بشوق
غصب عنهم محرومين
يبقى لما اسأل تقول لي
هو عصر إلهام شاهين
_____________________________
لما تبقى فيفي عبده
قدوة ف عيون البنات
شهرة طول الكون وعرضه
رقصة واحدة بمليارات
لابسة قالعة مش حكاية
نايمة صاحية ف الحماية
حالفة ترقص للنهاية
والكريم ما يخونش وعده
يبقى لما أسال تقول لي
تحيا رقصة فيفي عبده
_____________________________
لما تبقى نانسي عجرم
عايشة جوه ف القلوب
يبقى مين أذنب وأجرم
وانتهك حق الشعوب
خلى كل الجهل ساكن
ف العقول ويا المساكن
والظلام مالي الأماكن
والعلوم بتموت وتعدم
يبقى لما اسأل تقول لي
نجمة فعلا نانسي عجرم
_____________________________
لما تبقى هيفا وهبي
هي موضوع الحوار
لو بتسأل عنها شعبي
نجمة ساكنة كل دار
يبقى نام فلاح ودارس
وانتهى دور المدارس
واختفى ف الشدة فارس
وابتدا خوفي ورعبي
يبقى لما اسأل تقول لي
تحيا دايما هيفا وهبي
_____________________________
شعر / محمد الشرقاوي
_____________________________
لما تبقى إلهام شاهين
نجمة ليها معجبين
لو تشاور راح تلاقي
ألف مليون خدامين
فيلم واحد تبقى فوق
ف العلالي بكل ذوق
والشباب هايمين بشوق
غصب عنهم محرومين
يبقى لما اسأل تقول لي
هو عصر إلهام شاهين
_____________________________
لما تبقى فيفي عبده
قدوة ف عيون البنات
شهرة طول الكون وعرضه
رقصة واحدة بمليارات
لابسة قالعة مش حكاية
نايمة صاحية ف الحماية
حالفة ترقص للنهاية
والكريم ما يخونش وعده
يبقى لما أسال تقول لي
تحيا رقصة فيفي عبده
_____________________________
لما تبقى نانسي عجرم
عايشة جوه ف القلوب
يبقى مين أذنب وأجرم
وانتهك حق الشعوب
خلى كل الجهل ساكن
ف العقول ويا المساكن
والظلام مالي الأماكن
والعلوم بتموت وتعدم
يبقى لما اسأل تقول لي
نجمة فعلا نانسي عجرم
_____________________________
لما تبقى هيفا وهبي
هي موضوع الحوار
لو بتسأل عنها شعبي
نجمة ساكنة كل دار
يبقى نام فلاح ودارس
وانتهى دور المدارس
واختفى ف الشدة فارس
وابتدا خوفي ورعبي
يبقى لما اسأل تقول لي
تحيا دايما هيفا وهبي
_____________________________
شعر / محمد الشرقاوي
ليست هناك تعليقات:
إرسال تعليق