..ليلك...بقلم المبدع // أيمن بلال

....ليلك.....

في وصفك إحتار الزمن والناس
ياخمر نظرة يسكر من غير كاس
وأنا في العشق وخداني متاهة
والتوهة ف هواكي قمر وناس
....
وأنا اللي تاه عقلي لما شفتك
أتاري الجنون عادة في عشقك
ويزيد جنوني كل ما أقرب منك
ياحب صعب تفهمه عقول الناس
.......
في عينيكي نظرة تحيرني تجنني
وعودك بين إيديا ظالم وبيظلمني
أتوه في شفايفك يقول الخد بتظلمني
وكل ما فيكي حلو فيه الإحساس
......
وأنا ف هواكي من بحر لبحر سارح
وكل بحر فيكي موجه واخدني ورايح
لدنيا غير دنيتي اللي عشتها إمبارح
غريق وبين موجك تاه وراح وخلاص
.....
نظرة منك توديني وتاني تاخدني
ولما تقوللي تعالي هنا ف حضني
يزيد جنوني ولا أعرف إيه صابني
وساعات أتجنن وأشوفك كل الناس
......
جنية إنتي وأنا الجنون في طبعي
ف لحظة جيتي وقدرتي علي عندي
بقيت وياكي طفل وكل شئ عندي
ولما أبعد عنك أشوفك ف عيون الناس
.....
غنوتك آه ضحكتك آه وأنا بحبها منك
تتوه العين وتحكي النظرة عني وعنك
تصحي العين وتنام علي صوت حضنك
نغيب عن الوعي بلا خمرة وبلا كاس
......
ياعشق الليل ليلة ف حضنك تكفيني
ياعطش الشوق لمسة إيدك تسقيني
جنون ف جنون غير جنونك ما يرضيني
هلي زي القمر نجومي حواليكي حراس
......
بحبك والحب عندك ليل التوهه فيه
ولا غير حضنك وحضني راح يرضيه
إندهي ليلك وإرسمي سرنا عليه
ده الليل إتنين أنا وإنتي وبس خلاص
......
أيمن بلال