أغنية (آسف نسيت) بقلم المبدع // حربي علي

أغنية
(آسف نسيت)
آسف . نسيت معايا ناس
مراتي (أم العيال النااس)
كنت مسافر جوه الخيال
غبت (لحظة) عن الجمال
وجيت في مراكب الإحساس
آسف . نسيت معايا ناس
( أصيلة ) من يوم دقاتي
يافرشتي و ( نبض ) لذاتي
(زهرة أشراف مصر) حياتي
الشريفة . قمري الوناس
آسف . نسيت معايا ناس
عاشت معايا (حلو المر)
كانت ( دوايا ) بليل الصبر
جواها ( شربت ) أجمل عمر
(ست الكل) ف العين والراس
آسف . نسيت معايا ناس
طيبة هيه (روح عشرية)
بتخاف من نفسي . عليا
(أهل وحبان) وسكن . ليا
(بنت الرسول) رمز الإخلاص
آسف . نسيت معايا ناس
مراتي (أم العيال النااس)
كلمات
خاصة 
ب (أم علي)
تأليف :
حربي علي
شاعرالسويس