"""""" الدم دا مصري """"""
يا بن الوطن يا غالي يا اللي جاي
من قبلي و من بحري
يا أبو ضحكة ما فارقت شفايفك
حتى و الدم من الوريد يجري
رفعت صابعك ع الزناد و عينك
ع السما لرب العباد تشكي
الدمعة نازله من عينك و سؤال
حزين محتاج جواب مين اللي
طعن ضهري
أنا عيني على العدو بره الحدود
رصاص العدو في الصدر اهون
لو هو اللي كان صابني
لكن المر اللي انا و اصحابي
شاربينه ان الغدر و الصابع و
الزناد طلع دمه من دمي
أبويا فلاح في الغيطان يعزق
الأرض الطيبة يرمي البذور و
بمية النيل يروي
كفوف الايدين متشققه من
طلعة الشمس شقيان حضارة
وطن يبني و يعلي
و أمي بالكد ربتني قالت لي
بعد خدمة الوطن هفرح و
اجوزك يا ابني
أنا و أخويا زرعتها بالستر
يارب كملها بتصلي و بتدعي
أنا هنا لتراب البلد حامي
حالف لو العدو قرب أكله
بسناني لو مرة داس شبر
من أرضي
لكن الموت جاي متخفي خاين
عميل لابس وش الحبيب قدر
و نال مني
وصل الخبر بلدي الزرعة طرحت
موت و الطير في السما اغنيه
حزينه بيغني
أبويا من حرقته نور العينين
انطفى العقل شارد ماشي
بيحضن كل اللي من سني
على حيطة طين في البيت
متعلقه صورتي داب الخيط
ووقعت الصورة صرخت أمي
يا حزني
وقعت الصورة على الأرض
و كأنها بتقول لأمي خلاص
هي دي نهايتي
و بسرعة و بخيط متين امي
بتعلق الصورة و بتمتم يارب
هو و أخوه زرعتي و سندي
صراخ و صويت بره الدار امي
قلبها حاسس بعلو الصوت
صرخت اكيد الشهيد ولدي
وقعت الصورة من تاني بس
النوبة دي مش خيط دايب لكن
رصاص الغدر ع الرمل ساح
دمي
دمع اخويا بالتراب اتخلط
و الآه رجت حيطان البلد
يصرخ تارك يا خوي عندي
الدم دا مصري واحد راكب
قطر الصعيد جاي من قبلي
و التاني جاي من بحري
علي طول الوطن و في كل
بيت زفة شهيد الرمل بالدم
اتروي و العريس بالدم
متحني
يا اللي قتلت الجدع ايه ذنب
الجدع قلي شايل هموم
الوطن و من جهده ما مخلي
في الحر و البرد رغم المطر
واقف ع الحدود لافف روحه
في كفن الموت مستني
ع الحدود في الشرق و
الغرب مصر رافعه الراس
ابني الشهيد البطل مات و
هو يزود عني
يا مصر يا لابسة تاج الشرق
مذكورة في القرآن بجيش
الأسود محفوظة و متصانة
مهما يتخفى العدو في وشوش
ولاد البلد من بره و من جوه
برضو متصانه
مهما يدبر عدوك ولادك في
الميدان و ع الحدود واقفه
رجالة
أجيال ورا أجيال العدو يفنى
و انتي يا مصر في العين
متشاله
ما انتي أم الشهيد البطل و
طول عمرك يا مصر للرجاله
ولاده
بقلم الشاعر / السيد محمود
الثلاثاء
31 / 10 / 2017
يا بن الوطن يا غالي يا اللي جاي
من قبلي و من بحري
يا أبو ضحكة ما فارقت شفايفك
حتى و الدم من الوريد يجري
رفعت صابعك ع الزناد و عينك
ع السما لرب العباد تشكي
الدمعة نازله من عينك و سؤال
حزين محتاج جواب مين اللي
طعن ضهري
أنا عيني على العدو بره الحدود
رصاص العدو في الصدر اهون
لو هو اللي كان صابني
لكن المر اللي انا و اصحابي
شاربينه ان الغدر و الصابع و
الزناد طلع دمه من دمي
أبويا فلاح في الغيطان يعزق
الأرض الطيبة يرمي البذور و
بمية النيل يروي
كفوف الايدين متشققه من
طلعة الشمس شقيان حضارة
وطن يبني و يعلي
و أمي بالكد ربتني قالت لي
بعد خدمة الوطن هفرح و
اجوزك يا ابني
أنا و أخويا زرعتها بالستر
يارب كملها بتصلي و بتدعي
أنا هنا لتراب البلد حامي
حالف لو العدو قرب أكله
بسناني لو مرة داس شبر
من أرضي
لكن الموت جاي متخفي خاين
عميل لابس وش الحبيب قدر
و نال مني
وصل الخبر بلدي الزرعة طرحت
موت و الطير في السما اغنيه
حزينه بيغني
أبويا من حرقته نور العينين
انطفى العقل شارد ماشي
بيحضن كل اللي من سني
على حيطة طين في البيت
متعلقه صورتي داب الخيط
ووقعت الصورة صرخت أمي
يا حزني
وقعت الصورة على الأرض
و كأنها بتقول لأمي خلاص
هي دي نهايتي
و بسرعة و بخيط متين امي
بتعلق الصورة و بتمتم يارب
هو و أخوه زرعتي و سندي
صراخ و صويت بره الدار امي
قلبها حاسس بعلو الصوت
صرخت اكيد الشهيد ولدي
وقعت الصورة من تاني بس
النوبة دي مش خيط دايب لكن
رصاص الغدر ع الرمل ساح
دمي
دمع اخويا بالتراب اتخلط
و الآه رجت حيطان البلد
يصرخ تارك يا خوي عندي
الدم دا مصري واحد راكب
قطر الصعيد جاي من قبلي
و التاني جاي من بحري
علي طول الوطن و في كل
بيت زفة شهيد الرمل بالدم
اتروي و العريس بالدم
متحني
يا اللي قتلت الجدع ايه ذنب
الجدع قلي شايل هموم
الوطن و من جهده ما مخلي
في الحر و البرد رغم المطر
واقف ع الحدود لافف روحه
في كفن الموت مستني
ع الحدود في الشرق و
الغرب مصر رافعه الراس
ابني الشهيد البطل مات و
هو يزود عني
يا مصر يا لابسة تاج الشرق
مذكورة في القرآن بجيش
الأسود محفوظة و متصانة
مهما يتخفى العدو في وشوش
ولاد البلد من بره و من جوه
برضو متصانه
مهما يدبر عدوك ولادك في
الميدان و ع الحدود واقفه
رجالة
أجيال ورا أجيال العدو يفنى
و انتي يا مصر في العين
متشاله
ما انتي أم الشهيد البطل و
طول عمرك يا مصر للرجاله
ولاده
بقلم الشاعر / السيد محمود
الثلاثاء
31 / 10 / 2017
ليست هناك تعليقات:
إرسال تعليق