بنادي عليكي . بقلم المبدع // شعبان ابرهيم ﺍﻟﻔﻴﻮﻣﻲ

بنادي عليكي 
سمعاني؟
تعالي ف حضني من تاني
أنا أسف
رميتك من كلام شعري
نسيت كل اللي كان بينا
أنا عارف
بأني كنت مش دوغري
هدمت بأيدي أحلامنا
فسامحيني
يا أجمل ما رأت عيني
يا بركان م الحنان آيد
وكان نفسوا يهنيني
ظلمتك
أيوه وألمتك
وكنت الجاني وجرحتك
وجيت على حبك الطاهر
وعمري ف يوم م فرحتك
وشلتي الهم بزياده
وزدت أساكي كالعاده
وكنت ف هجرك أتماده
وقلبك كان بيستحمل
وكنت ابعد ويتحمل
أقيد ناروا ويتجمل
بس عارفه
رغم كل القسوه مني
قلبي كان بيحن ليكي
كان بيبقى ف حاله صعبه
لما كان يلمح عنيكي
فيها دمعة حزن شارده
أبتسامه بمر بارده
كنت نفسي بجد أقولك
اللي مني غذب عني
واللي كان ديما واصلك
يا حبيبتي كان قاتلني
بس جاتني الفرصه تاني
لجل ما انسى اني اناني
قبل ما امشي من مكاني
بعلن التوبه لفؤادك
بترمي ف حضرة جنابك
لسه جوه القلب أسمي
ولا هتصفي ف حسابك 
#بأحساسي
#شيبو
#مقصوده