على باب الحلم
على باب الحلم وكان واقف من غير بدايات
متشعبط فى الباب يمكن يبدأ حكايات
مستنى بدايه من البدايات تبدأ بسكات
فيلاقى كل الحواديت ناطقة وكل الروايات
وروايه عليه كات بتشاور ناقصك شاور
عسكرى انت فى الصف ولا مناور
ناقصه بياده وسلاح ميرى وحبة طلقات
والحلم يكون متعاص دم ويمكن يتلم
او يمكن جايز يكتر فيه الهم وشتيمه وذم
انما لازم فى الحلم حبة ناس ترقص
مع ناس تشهد انك فلحوص ومافيش زيك
فى الكون ولافيه غيرك وتقول ممنون
ماهو اصل انتم ننى وعيون وتسبل كل شويه جفون
والحلم يضيع ترجع وتبيع والناس ببطون *جعانين*
ما اهو اصل الناس بقت ملايين وتلات طقات
فى فطار وغد ا وعشا والاصل مافيش
ولا فايض حتى رغيف العيش ويا التحابيش
يطلع م الحلم كلام طراطيش مع ناس طرابيش
عايزين قال يدخلوا فى الحلم ولو تناتيش
فا اللى يفكر قول له تروح ما تجيش
الت ان كنت ظابط يا بنى والا شاويش
ليست هناك تعليقات:
إرسال تعليق