................... اذكــــــــــــــــــــــرينى ................
مش هاقولك تانى عودى
مش هاقولك فين عهودى
مش هاقولك انى عايزك
مش هاقولك يوم بحبك
مش هاقولك قلبى رايدك
مش هاقول محتاج لحبك
بس بصى انت فى عيونى
راح تلاقى كل حاجه
.....
مش هتحتاجى لقاموس
مش هتحتاجى لمفسر
اسالى قلبك يقولك
اد ايه حبك بيكبر
جوه قلبى بدون ما يشعر
....
زى طفل فى حضن امه
يوم بيبكى ويوم بيفرح
يوم بيزعل ويوم بيغضب
وفى النهايه تانى يرجع
للامان فى حضن امه
كل ده مش راح اقوله
.......
راح تحسيه جوه قلبك
وتعشيه فى كل لحظه
وتلاقينى فى بحر حبك
شط مرساه الامان
شط فوقه الصيادين
كل واحد يرمى شبكه
نفسه يصطاد بيها امله
اللى عايزنظرة حلوة
واللى عايز همستين
واللى عايز بسمه صافيه
واللى عايز لمستين
واللى نفسه يقول بحبك
بس خايف ترفضيه
والباقى واقفين حيارى
انتى عايزة فيهم مين
كل ده وبحر حبك
يا ما غرق سباحين
بس انا مش كل دول
لا انا عايز بسمه حلوة
ولا عايزهمستين
ولامحتاج نظزة حلوة
ولا محتاج لمستين
.......
انا عايزك زى ماانتى
بالشقاوة والبرأة
بالغموض ويالوضوح
بالانوثه والطهارة
بالامال وياالطموح
.....
بس عايزك تفهمينى
حسى بيا واعزرينى
ويوم ماهارحل اندهينى
وان ماجتش ابقى اذكرينى
اذكرينى يا حبيبتى اذكرينى
................................... عــــادل فـــوزى
ليست هناك تعليقات:
إرسال تعليق