سجال بين الشاعرة سهير بدران والمبدع / شعبان ابراهيم

سيجالي والشاعره الرقيقه

أ/سهير بدران

{شاعر الرومانسيه}
يااللي ساكنه ف العلالي
أنزلي حبه وتعالي
عندي ليكي يا روحي كلمه
أسمعيها بلاش تعالي

عارفه يوم العين ما شافتك
والوصال قرب مسافتك
أدتي جوه القلب نار
خلتيني ف حاله صعبه
عقلي شارد ليل نهار
عندي0حق
كيف أشوف البدر طالع
ولجمالك حن رق
حتى قلبي يا حبيبتي
كيف يبطل فيكي دق
أنتي فعلا كالغزاله
اللي يشرب مره شهدك
صعب ينساه استحاله
وانا جايلك
والعطش جفف عروقي
زاد لهيب النار ف شوقي
فانسي كل الناس عشاني
صحصحي ويايا فوقي
وانزلي فوق ارض ساحتي
أملي كل فراغ مساحتي
خلي قلبك يبقي ديما
تحت طوعي وأمر راحتي
واسمعي
طول عمر حبك مطمعي
فاخشعي
وتعالي نكتب أسمنا
ف كتاب أمل
ونعدي مرحلة الخجل
أخدك ف حضني فتسكريني
توصليني للثمل
حتي اما اشوفك
ألقى خوفك
مات وجوايا اتقتل
واما يشوفونا المغرمين
يضربوا بينا المثل
فبلاش كسل
وتعالي نبدأ من جديد
دستور عمل
تاخديني لبلادك أثير
والفرح عندي يكتمل
000 00 0 0 0 0
رد
{سهير بدران}
وانت بردوا كنت عارف
أنت ساكن بين ضلوعي
بين عيوني
كنت أملي كنت عمري
كنت أعد0اليوم بطولوا
لجل اشوفك
قول ياقمري
قول وزود ف الكلام
قول وسمع دنيا خاينه
شبعتني بالكلام
قولهم أن الكلامي
عليك غنى
واني ما هشبع م الحنان
أبدا هنا
وقول كمان
يا فرح تملي جوايا
يا عايش جوه ف حشايا
أنت ساكن ف الضلوع
والعيون م الفرحه نزلت
منها شلال الدموع
ويااااااه فرحي
ويااااااه عيدي
وسعد القلب وشجونه
حبيب القلب صرحلي
بأني ساكنه ف عيونه
وقال أني نسيم الشوق
ليالي الحب وظنونه

القليب يهمس بهمسه
لخطوتك
نفسه يلمح ضوء حنانك
بكل نظره بطلتك
بفرح وبدعي ربنا
تبقي نصيبي وقسمتي
تبقى حياتي وفرحتي
وم النهارده
أنت قلبي وانت عمري
ف كل حين
واستحاله حبيبي اسيبك
مهما لاموا اللوامين
000 00 0 00 0

بقلمنا
الشاعره/سهير بدران
الشاعر/شعبان أبراهيم