دى أحوال الحموات .بقلم المبدع // محسن العربي

دى أحوال الحموات بقول لكل بنت خلى بالك م اللى جى و خدى عبرة م اللى فات و كلامى مش تشجيع ع العنوسة لاء دى حكاية زوجة مفروسة.... مش كل الحموات وحشيين فى حموات فل و ياسمين و حموات كمان حلوين 
حماتى اه يانا فى الشقة و يانا ماهى قاعدة مانسانا.... و خلاص فضيت لينا و ياريت تقعد ساكتة نشيلها جوة عنينا و مالوا ماهو ابنها و بتحبة و بيحبها و مكانها و من حقها.... لكن من يوم ما هلت ما فى إبرة منها جلت و قلبت حياتنا شجار.... و ليلنا بقا نهار و داخلة فى كل حاجة و فى تربية الصغار و جو زى يا ناس بسلامته طلع ابن مامتة.... و ان قالى كلمة حلوة حالا تتقلب الدنيا و اوام تعمل عيانة و تصرخ و تقول اه يانا و كمان يا وحدانية محدش سأل عليا و من كتر كلامها و الله بتصعب عليا.... و أفضل طول الليل شغاله ليها مداوية و فى الآخر تقول بلا نايبة ربى يا خايبة للغايبة لما ابنك غالى عليكى سبتيه ليه من ايديكى.... و دلوقتى غايرة علية طيب ليه بتجوزية انا خدته غصب عنك كنتى خليه فى حضنك و ذنبى انا ايه كرهانى طيب لية نصيحة منى انا لكل مستعجلة و ع الجواز مقدمة.... فكرى فى المشكلة و بلاش تكونى مع حمى احسن هتشوفى العمى و نارها دى مؤلمة ع البر بيكونوا ملاك لكن فى العيشة هلاك.... خليكى فى السليم و اختارى زوج يتيم هتبقى فى المضمون.... و بلاش تفكير مجنون تعيشى معاه فى سلام و حب و انسجام و تضحكلك الايام و آخر كلامى اه م الحما اه م الحما قاعدة فى بيتى متلحمة . بقلمى / محسن العربى شاعر الإبداع