ابويا
ابويا ف موته وصانى
بكلمة حلقه ف ودانى
وكل خبرته عطانى
اهى الدنيا ومين بانى
وليه بيعلى ويعانى
وآخرته اهو فانى
فكون صالب لها عودك
واعمل خير لموعودك
واحفظ يابنى لوعودك
ووعيش فيها كما جدودك
واوعى تخطى لحدودك
وجسمك منه دى شهودك
يا ابنى الدنيا منفاته
وعيشة الاخرة هيه الاصل
فى ناس فى الدنيا شحاته
وعايشاها بقلة اصل
واخرتها تموت عالة
ولو سكنت فى افخم قصر
وناس عايشاها ندالة
وسيرة الناس بتعصر عصر
وناس بتعيشها رجالة
ولا تفرق معاها ف عصر
وليك يا بنى فيها الخيرة
وتخرج منها بالسيرة
بانك عشتها خيرة
وخدت خيارها ليك الفصل
وبعت الدنيا بالاخرة بكلمة عقل
حبيبى خبرتى فيها بان الكل يوم مفقود
ومهما يا بنى بيعمر مسير جسمك لاكل الدود
ويوم الحشر بيحاسبه واحد احد اله معبود
ونار عنده وجنة ويبقى الفصل فيها خلود
مصطفى قمر
ليست هناك تعليقات:
إرسال تعليق