بنده عليك . بقلم المبدع // على شحاتة سليم

بنده عليك
..........................
فى بحور هواك تكبر همومى
لما اغوط فيك واتوه
لما دمع العين ينزف وجع
لما دقة قلبى تصرخ م الالم
لما احس وانا جنبك انك بعيد
وان قلبك مش معايه
وان حبك مش جديد
وقت ما يدبل شوقى
على غصن الهوي
ايه جرالنا
واحنا كنا اتنين فى واحد
نقسم الفرحه فى عنينا
والابتسامة على الشفايف
جربت اهرب جوه خوفى
وراء باب ملامحى المكسورين
وانده عليك يمكن ندايه يسمعك
يمكن احس يوم بقربك
وقت خوفى ما يوجعك
انده عليييييييييييييييك
على شحاتة سليم