حـرام و مش معقـول بقا هى دى الأصول حتى الغـلا وصـل لطبـق الفول قالوا عليه زمان دا أكل الحمير و شركناهم فى أكله بشجاعه و كل ضمير وبقينا عليه متعودين ماهى عشره بقلها سنين خلاص بقا يا مدمس محناش لاقيين نغمس.... بقيت أكل الذوات فى الطبق خمس لؤمات وحسابهم سبع جنيهات طيب الغلابه هتاكل ايه بعد ما اتعودوا عليه قربنا نشحت.... يا ناس و من بكره الواحد يخاف مش هنلاقى العيش الحاف أو نبيع الهدوم ما احنا شعب طيب و راضى بالمقسوم .... فاضل ايه كمان هات كل اللى عندك يا زمان كل السلع يا مصر فيكى غاليه الرخيص الوحيد هو الانسان . بقلمى / محسن العربى شاعر الإبداع
ليست هناك تعليقات:
إرسال تعليق