دامت ل مين ..بقلم المبدع // محفوظ البراموني

دامت ل مين ..

خليكوا عارفين ..

النهاردة عايشين ..

بكرة ميتين ..

كلنا رايحين ..

لو ناسيين ..

إفتكروا كان ف مين و مين ..

و النهاردة هما فين و فين ..

أوعوا تفتكروا إنكم مخالدين ..

يبقا عقلكم و جواكم مجانين ..

محطة ورا محطة و كلنا نازلين ..

كل ثانية كل دقيقة ف متوفيين ..

كل ثانية كل دقيقة ف مولودين ..

ناس ب تبكي و ناس ب تضحك كلهم مساكين ..

عينهم مليانة دموع نزلة من شلال حزين ..

ساعة ب دمعة فرحة ساعة ب دمعة حنين ..

دامت ل مين فين الملوك و السلاطين ..

إحنا تراب و ف التراب هنحضن الطين ..

و تحت الأرض لا محالة رايحين رايحين ..

ماتزعلوش مني كتبت كلامي ب الأنين ..

مش هنهرب ابد من الموت الحقيقة كلنا ميتين ..

أنا عارف ان الحروف دى نكد ع الصبح يا طيبين ..

و زودت عليكم الهم و إنتوا لسه من النوم صاحيين ..

ما هيا دى أيامنا و الشهور و السنين ..

يوم ألوانه غامقة ب غيوم ..

و يوم ألوانه منورة ب نجوم ..

من ده ع ده مرة حروف نشربها سادة ..

و مرة نشربها سكر كتير زيادة ..

أصل الدنيا من يوم ماتخلقت ملهاش عادة ..

أوعى تمسك فيها لا تسيبك و ترميك ك العادة ..

و تضحك عليك زى ما ضحكت من قبلك ع السادة ..

كله رايح مع اللي راحوا و اسف ع كلامي ده يا سادة ..

هذيان قلم : 
: محفوظ البراموني :