مِسك الختام
الشاعر / إبراهيم فاضل
بالعامية المصرية
=======================================
من كام سنة
واحنا هِنا
في نفس المكان
نقسم اللقمة سوا
حتى الهوا
بنقَّسِموا على بعضِنا
همومنا نايمة في كل جَرح
ومعتش باقي غير العَجَز
والوحدة وهموم تهدم جبل
وصورنا بقت من غيرملامح
والريح بتعوي في عشِنا
والموت في لحظة
والصبح يجي ويتولِد
ملناش أسامي في الكشوف
والزمن زي الضباب
لكن عزيمتنا للنهاية بتتولد
خايفين من يوم الحساب
عايشين لذكرى ونفتِكِر
لمَّا الشجر
كان يحتِضِر
قدام عنينا
والنجوم واحدة واحدة بتنطفي
واحنا قاعدين ننتظِر
الوعد والذُل اللي جاي
محدش لمحنا
ولا حد شافنا
واحنا بنعزق في الغيطان
وعرفنا إنْ احنا ملناش أثر
من غير كيان
كنَّا عايشين وسط البشر ملناش مكان
ورغم ده عشنا في رِضا
نشرب الشاي ونحتسي
ومعاه لقمة عشان نعيش
زي ما شربنا العرق
والندى بيلف حوالين البيبان
الوقتي بس بنفتكِر
لمَّا السكوت جه واترسم
والكلام بينا انفصل
واحنا لسه بنفتكر
مسك الخِتام
===============================
بقلمي / إبراهيم فاضل
===============================
ليست هناك تعليقات:
إرسال تعليق