مبقتش تدقق ع الفاضى و بكل الأحوال كدا راضى.... و فى كل الأوقات بتطنش بقى كل الكون اصلا عادى مبقتش تحاول تتغير و النفس اللى بتاخدوا قصير الدنيا اساسا مقلوبه.... و لا انت بقيت حد يحير الصورة وراك دايما سودة و الضحكه طشاش مش مقصودة و الوقت بيلعب بيك فى سباق نهايته لذكرى مفقودة.... و الفرحه خلاص تاهت منك و لا مبقتش مطلوبة و الخطوة كمان بعدت عنك و كمان معدتش محسوبه.... و مسلم ليه أمرك و ارادتك دايما مسلوبه دا الناس انواع قدام منك و كله راسم الطيبة و الصدق ضاع فى زمانا و كمان بيقولوا عليه خيبه و الخاين كله يقف جنبه.... و يقوله يا بن اللعيبه الدنيا ايه دلوقتى غير غش و نصب و هليبه و كمان غداره يا بن أدام ودايما تعمل حبيبه تدلها ضهرك تطعنك و ترميك فى دقيقه.... دامت لمين لما تدوملك ما هى فانيه يابنى و دى حقيقة . بقلمى / محسن العربى شاعر الإبداع
ليست هناك تعليقات:
إرسال تعليق