عجز القلم يكتب عن عيشة بالالغاز
الناس ليها بتحسب والولعة فيها بجاز
والفقر متركب على ناس وسايب ناس
ولعبة العنكب لاعبينها بدون احساس
م الصبح للمغرب ناس تعلا وناس تنداس
لو تغرق المركب الموج بيرفع ناس
بدأ القلم يكتب وصف القلم هلاس
من امره يتعجب ازاى يعلى اساس
رجع القلم شطب قطع معاه الكراس
شاف اب متحسب على ضياع ابنه
وف امره مستغرب بيضم ليه ف حضنه
ابنه اللى زهرة عمر ه والربيع يناديه
مات منه بالغدرة والنا س جاية تواسيه
شاف غيره ابنه سجين والسجن كان قبره
اعدامه شبه ملايين عاجزين ليوم نصره
بكى القلم بالدم وعجز يشيل الهم
او يكتب لانه حزين عن ناس بدون عناوين
ليست هناك تعليقات:
إرسال تعليق