مجرد كلمتين . بقلم المبدع // . أيمن بلال

..... مجرد كلمتين ....

ويفضل ليلك متغرب 
وفرحك عمره ما يقرب
ولو عمرنا رحلة
بلاد الفرحة ما تقرب

ونهارك شمسه مطفية
غابت فرحته ف عينية 
لا ليك فيا ولا فيك ليا 
أغراب وف الغربة بنتغرب

زرعتك دبلت علي عودها 
ولا أرضك وفت بوعودها 
بوار الزمن إمتلك وسادها 
وليه بس منها بنستغرب

أيام ماشية في جنازة
ملهاش قيمة ولا عازة 
منشد وماشي وياه بازة 
غناه تحس إنه للنواح أقرب

غيروا شكلك شوهوا حسنك 
كل شئ فيكي بقي ضدك 
حتي الضحكة تاهت عن وشك 
وكل حلو فيكي منك بيهرب

كبرت ملامحك والعجز صابك 
زمن الفرح من زمان سابك 
هاجروا الناس من علي بابك 
والكل من إسمك راح يهرب

..... أيمن بلال