تعسيلة
قلبي اتمدد خد تعسيلة
قال صحيني في عز الشوق
قلتله بلا إحساس بلا نيلة
قوم ننزل مع بعض السوق
نسأل ع.قلب يكون خالي
أوعى تقول ماتروح وأنا مالي
لازم تيجي معايا تعاين
هو اليوم م.الأول باين
اخدته معايا وغصب عنه
عارف العيبة ماتطلع منه
أنا قلت أما ازنقه في الشروة
تطلع ألفت تطلع مروة
يبقى أختار بمزاجه وراحته
أبقى ضمنت في عبي صراحته
قبل السوق بهبابة وحتة
فط وقال لبسني جاكتة
قلت جاكتة إيه بلا قيمة
دانا لابس جلابية قديمة
قال مش داخل جوة السوق
مش حقطع من نفسي عروق
قلت في داهية إن شاء الله ما جيت
بس أوعى تقولي أنا حبيت
قاللي خلاص د.الحب رزيلة
رجعني أكمل تعسيلة
طارق عطية
قلبي اتمدد خد تعسيلة
قال صحيني في عز الشوق
قلتله بلا إحساس بلا نيلة
قوم ننزل مع بعض السوق
نسأل ع.قلب يكون خالي
أوعى تقول ماتروح وأنا مالي
لازم تيجي معايا تعاين
هو اليوم م.الأول باين
اخدته معايا وغصب عنه
عارف العيبة ماتطلع منه
أنا قلت أما ازنقه في الشروة
تطلع ألفت تطلع مروة
يبقى أختار بمزاجه وراحته
أبقى ضمنت في عبي صراحته
قبل السوق بهبابة وحتة
فط وقال لبسني جاكتة
قلت جاكتة إيه بلا قيمة
دانا لابس جلابية قديمة
قال مش داخل جوة السوق
مش حقطع من نفسي عروق
قلت في داهية إن شاء الله ما جيت
بس أوعى تقولي أنا حبيت
قاللي خلاص د.الحب رزيلة
رجعني أكمل تعسيلة
طارق عطية
ليست هناك تعليقات:
إرسال تعليق