- أنت روحي فاضت عيني . بقلم المبدع // يا سر الغريب

-
أنت روحي فاضت عيني
كل الحرف المثخن مني

في حومات الوحشة أهذي
زاغ السيف وكاد يخنني

كرت بالصرخة أناتي
تنبي عني رغما عني

وبتقوللي

وبتقوللي انت ليه زعلان
وشعرك غامق الألوان
وموده كئيب
تروح وتغيب
وترجع بالوجع مليان

سيوف وحروب
جبال بتدوب
ألم وعذاب
ودم كمان

فقلت
الدم له ناسه
وقلمي دمه إحساسه
ومنك ليكي أحواله
وبيكي بيملا كراسه

يابنت ي الوحشه قاتلاني
بقيتي كوني وكياني
معاكي باعيش ومن غيرك
بعيد عنك باموت تاني
وبيكي عنيا بتنور
وتطفي وانتي سايباني
وزي الطفل انا بارفس
وازن واشد في وداني
ده شمشون ابن أبو شمشون
بعشق دليله كان فاني
وعنتر ابو الوحوش منكوش
يقول يااااااعبل أه ياني
وياما في الزمن أبطال
تموت لو كانوا في مكاني

دا انا مراهن عليكي الكون
وحالف بكره بيكي يكون
ومتدروش أنا بيكي
وألف وستميت مجنون

ولو سبتيني للأحزان
هيبقي دمي في إديكي
ولو زودتي حبه كمان
هاولع
وانفجر فيكي

يا
سر
الغريب