الي ما بيسئلش عليك . بقلم المبدع // علاء زايد

الي ما بيسئلش عليك
لوقا بلك
بيعتب عليك
ويقولك
ما بتسالش عليا ليه
وهوا يمكن حتي
ناسيك
مش فاكر اسمك ايه
عايشين 
في زمن غريب
كل ال فيه
عايش غريب
عن اقرب ماليه
والي روحه فيه
ونفسه يلاقيه
مش لاقيه
وكل مادا 
السنين
بتاخد حبيب
وتداريه
عن عنيه
عايشين
ف زمن غريب
تعبانين
مش عارفين
نلاقيها منين
ولا منين
والطيبين
واحد ع الايد
ولا اتنين
وناس كتير
بقلوب حجر
واتقتل
فيها الضمير
ما عرفش يعيش
بين القاسيين
عايشين
في زمن غريب
كل ال فيه
عامل برئ
وهوا ديب
عايز ال ف ايديك
يبقا ليه
يا يعاديك
ويستكتر عليك
الخير
ال انت فيه
وحب الناس الكتير 
ليك
...............

علاء زايد