النصر ينور لياليكي .بقلم المبدع // حسن الشوان

............................ النصر ينور لياليكي ...........

انا إللي عشت مرارك
وشفت الموت بعيني
وشيلت بإيدي صغارك
وضللت عليهم بحنيني
وحلفت ما أهجر دارك
ولا في يوم أسيبك
إلا لما ارجعلك نهارك
وأعطر جوك بطيبك
وبريقي أروي أزهارك
والبساتين تنور بيكي
وتضلل علينا أشجارك
والنصر ينور لياليكي
والفرحه تخضر صفارك
والسواقي تسقي أراضيكي
والغيطان تزقطط بأنهارك
وابو قردان يعود ليكي
مبيحبش إلا خضارك
ومبيرتحش إلا فيكي
وما أجمل رقة سمارك
والبياض بيشع من عنيكي

...............................................
.................. حسن الشوان ........