كل الحكاية
كل الحكاية اننا حبة رفات
كل الحكاية اننا حبة رفات
متعلقين فى بعضنا حتى الممات
ساعات بنبلع ضعفنا بطعم السكات
وساعات بتملا خشمنا طعم الاهات
وساعات ننام من الجوع بيات
نرضى الخضوع نقضى الحاجات
لكن المهم دنيانا ضياع والا ثبات
وعند القضى الصبر ليه يبقى احتمال
ما يكونش عزم يضمنا زى الجبال
حبة رفات وكلنا عمر وساعات
الشبر ساعة يلمنا فى البرد
والضل يستر جسمنا من الشرد
والقبر يحضن كلنا مش فرد
حبة رفات والكبر ليه على بعضنا
ونخون ونقتل ونسفك دمنا
هات لى حمار ضرب اخوه بالنار
او هات اسد اكل اسد لو بالسعار
او هات لى فيل كان السبب فى دمار
من غير عقول عايش اسد وحمار
اما البشر شوف العقول تحتار
مصطفى قمر
ليست هناك تعليقات:
إرسال تعليق