اخر كلامي
احمد صبري
-
إفهمي اخر كلامي
حسي ضعف صوتي
مافيش علاج لاْلامي
وحياتي زي موتي
تقدري تتستغني عني
واهو كل شيء باين
وقولي ما بيستاهلني
اوعي تقولي خاين
-
سلام ويمكن انام
ولا يسهرني جرحي
ماهي كلها ايام
وكان لازم اضحي
ضحيت بروحي عشان
ماحبش احس ضعفي
ماحدش ليه امان
ولا يستاهل عواطفي
-
عايش ناسي الحياه
عاجز عن كل شيء
إحساسي مني تاه
قاتل لكن بريء
لاْني قتلت نفسي
ماقتلتش حد غيري
انا مغلوب من ياْسي
وانتي ماتبقيش تغيري
-
وشوفي حد تاني
حد بيعرف يعيش
مهما كان حناني
اكيد مابيكفيكيش
كتر الوجع علمني
ابطل احس روحي
انا للعذاب يهزمني
وانتي لازم تروحي
-
اخر كلامي انا قولته
ومبقاش فاضل كلام
الحزن ف قلبي شيلته
مافيش مكان للغرام
قلبي تعبان معبي
مخنوق من دنيتي
انتي جميلة وتنحبي
وانا خلصت محبتي
ليست هناك تعليقات:
إرسال تعليق