مجرد احساس . بقلم المبدع // عز الدين جبريل

( مجرد احساس)
والله حرام علينا للاغنياء فقط
ايه يااخى هى دى قواله
اننانبقى فى بلدنا عاله
نترمى فى وسط شارع
وناكل من صناديق الزباله
دااحنا بقينا وسط الشعوب عواله
وحيات اللى اترمى تحت كرتونه
والبنت اللى مخدوش شرفها
والام اللى مكسور جناحها
وحيات كل واحد شافها او عرفها
او زيها فى الحاله هى دى قواله
ابوس ايدك ورجلك تسامحينى ياخاله
مهو انا الشاعر لما اشوفك واسكت
ابقى زى ناس ساكته كتيرعواله
كل واحد فينا يفك الكيس شويه
وحيات الاعياد اللى جايه
حوشو عنهم الذل ولو شويه
داحنا ياناس مسلمين موحدين
ولاده طبعنا ولا كلام فى الدين
الناس الغلابه الف يتشاركو فى كسره
والغنى عنده يجى الف ميت رغيف
بس اسمح لى اقولك انك مش شريف
لو شريف تخاف مهو ده عرضك
ولو شريف تستحى مهى بنت ارضك
اقولك كلام حلو ولا ازوقه منين
وانت شايف الغلابه نايمين فين
سامحونى لو يوم فيكم غلطت
مهى دى اختك ولسه بنت
وبعدين تقولو اطفال شوارع
مهو اللى بيشم كله مبيعرفش
غير بس اللى قالع
ايوه اللى قالع هدومه 
قصدى اللى مش لاقى يلبس هدوم
وبعدين تجيبو عليهم اللوم
يعنى ولادك تاكل وتشبع
وولاد الغلابه ينامو جعانين
وتشترو الكلاب وتآكلوها قوتنا
بصو علينا تلاقونا متنا يامسلمين
عزالدين جبريل