بالعاميـــه ،،
نــاطرة ،،،
-----------
أتخيلكْ في وجوهْ مرّتْ تبتسمْ
و بحِس كأنّكْ ع الوَعِــد جاييني
و المَحْ خيالك مَد أيده لصحبتي
وعطرك يسابق طيفك يلاقيني
كان الصبح يفرح و وردُه يغازلك
لمّــا تـمُـر و بالـومى تنــاديني
نفس المكان و ناطره ترجع - أنا
و سنين تمرق ما كنِت تيجيني
غيرك مرق مُشتاق رِدلّلو الومى
بس القلب في غربتي مخلّيني
بتنطَّرك - أشرب بكاس من الهوى
مُـر الصبــر - بعد الشهد تسقيني
إرجع تا قول لّك بعشقك قدّ العُـمُـر
باكتـاف قلبــك - ريــتـك تـخبيـني
و قول لي بحبك قد نجمات السما
و قــدّ السما يــا ريــت - بتحبّيني
تا أعشقك للعمر و عَ طـول المدى
و يطويك عشقي تا العُمُر يطويني
---- خضر الفقهاء ----
ليست هناك تعليقات:
إرسال تعليق