قصة (ام عبده وخروف العيد) بقلم محمد ابوشنب ** هذه قصه تحدث كل عيد اضحي في بعض البيوت المصريه ام عبده عايزه خروف للتضحيه قالت لابوعبده ساعة تجلي ياابوعبده عايزين خروف للعيد علشان نفرح العيال نظر اليها ابو عبده من تحت النظاره وقال لها منين ياام عبده مانتي عارفه الايد قصيره والعين بصيره انتي ناسيه اننا سالف من الحاج محمد وعلينا فلوس للبقال ده لسه حتي مادفعتش ثلاث اقساط بثلاث ايصالات امانه والرابع في الطريق متأخرين علينا من اقساط جهاز البنت اعمل ايه ام عبده ماتتصرف يابوعبده ماانت كل مره بتتصرف استلف من ابوحسن ولا ابوسيد حرام عليكي ياوليه هاتوديني لفين طيب عايزه خروف بيعي الغوشتين الدهب اللي معاكي بقي ياراجل عايز تبيعني الدهب بتاعي يبقي مافيش خروف ياام عبده ترن ترن افتحي جرس الباب بيرن ربنا يستر مين علي الباب ام عبده ده عسكري بيقول عليك حكم بثلاث سنين سجن علشان ماسددتش ايصالات الامانه المتأخرين بتاعة جهاز البت الله يحرقك ياام عبده انتي والخروف وديتيني في داهيه ام عبده ولايهمك يابوعبده انا هابيع الدهب ونسدد ايصالات الامانه هو لازم خروف بلاه خروف المهم انت ربنا يخليك لينا انت في وسطنا بالدنيا ابوعبده اصيله ياام عبده ربنا يخليكي ليه فعلا علي الاصل دور
ليست هناك تعليقات:
إرسال تعليق