فتله سودة وفتله صفره . بقلم المبدع // محمدعبدالرحيم

فتله سودة وفتله صفره
والعالم عملنا مؤامره
اولها سلطه واخرها لوبيه
جينا نشرب شاى لقناها سوبيه
والبلد صبحت زلابيه
شقه مستويه وشقه نيه
بينها ليلتنا كوبيه
وكاننا بنلعب مقامره
ناس تقول نعمل مظاهره
وناس تقول بلاش مغامره
النهضه جيه جيه
والعيشه حتصبح مهلبيه
والحريم حتغطيها المحلبيه
والاسعار حتبقى هاديه
هى بس محتاج صبرجيه
خمسين ستين سنه مش حكايه
المهم حتبقى النهايه
نصبر عشان تكمل الروايه
هى صحيح دراما حزينه
لكن احسن متغرق السفينه
والى يقول هى كدا كدا خربانه
نقله هى عايزة منك زقه
وانك تمشى وسط الزنقه 
وتربط الحزام وتبطل شكايه
ده تكتيك عالى محتاج نباهه
ولا انت عايز تدخلنا فى متاهه
اصح وفوق لنعملك قضيه
تشاؤم وزعزعه ونقولوا عليك هافيه
وكسلان ومعندكش رويه
وعلى ايه انا حسيبهالكم خضره
واشفلى حته طابخه
او اكل رز مع الملايكه
هى مش ناقصه ازيه
بكره تفرحوا وتعيشوا عيشه بهيه
ولا اقلكم خليكم فى الكشرى ابو تقليه
وفتكم بعافيه يامطبلتيه
#ابواويس_محمدعبدالرحيم