كان حبه زمان ..بقلم المبدع // محمود مسعود

كان حبه زمان ............!!
ــــــــــــــــــــــــــــــــــــــــــــــــــــــــــ
ماتلومونيش ماتلومونيش ماتلومونيش
من غير حبه ازاي أعيش
هو الهوا هو الحياه
هو ضحكتي ماتعذبونيش
هو النسيم لو منعتوه ازاي حاعيش
لما يغيب الدنيا تغيب وتغيب معاها بسمتي
ياناس قولولي أيه اللي أنا عملته في دنيتي
كان لي زمان قصة وعنوان
جوه عنيه نبع الحنان
كتب الزمان قصة إنسان
عايش حياته ودنيته
حب الزمان يلعب كمان 
وراله قسوة سكته
حرمه حبيبه دنية نصيبه
من غير أسباب
وعاش اللي كان حبه زمان
قسوة وحرمان يادي الزمان
فرقة وأمان مغشوش
وضحكة مرسومة فوق الوشوش
بتقول كداب مليانه عتاب 
من بعد فراق الأحباب
اللي راح واللي غاب 
في دنيا كلها عذاب
العذاب أنا ماخترتوش
لكن قسمتي هي الرتوش
اللي زوقت دنيتي
كان الخصام معرفهوش
والود دايما ماسيبهوش
ايه اللي كان ويا الزمان
مكتوب علينا منشفهوش
الحب المغدور في زمن الفنكوش
ياخسارة كنا زمان منعرفهوش
ـــــــــــــــــــــــــــــــــــــــــــــــــــــ
بقلمي / محمود مسعود ( أغنية ) 7/3/2018م