...................................... إسلام عامر ..... مش هغفرلك
مش هغفرلك غير لما تشوفك
يوم عيني
واشوف الندم ف عنيك
وتقول انك غلطان
وانك راجع ندمان
ع البعد و ع الخصام
وجابك لقلبي
شوقك و حنينك
وعتاب كبير
و حساب
بين
قلبك و ضميرك
مش هغفرلك
ما انت اللي بديت
وكنت عنيد و عنيد
زرعت القسوة جوايا
والجرح منك
كان بيزيد و يزيد
ونار الفراق تحرق فينا
تموت كل امانينا
وتقيد و تقيد
وذكرياتنا ف كل الأماكن
تنادي علينا
وف الأحلام نشوف بعضينا
ف كل منام
حلم جديد و سعيد
مش هغفرلك
مش هيسامحك قلبي
غير لما تداوي كل جراحه
وتنسيني
كل الحزن اللي ماليني
وترجع ليا
الفرحة ف عيني
وتنسيها
كل الدمع اللي كاويني
مش هغفرلك
غير لما احس انك إنسان
عاشق روحي و قلبي
زي زمان
وبعت الدنيا وكل مافيها
عشان ترضيني
وزي الأول واكتر
قلبك لسة شاريني
مش هغفرلك
على اى شئ
بأديك عملته
كده بالساهل
ولا اى حرف
بلسانك قولته
ما كان يستاهل
خلاني فقدت الوعى
واتوه واحتار
ف زمن غدار
وتموت
اشواقي وحنيني
وتكبر جوايا الأحزان
وتقسى عليا
ايامي و سنيني
مش هغفرلك...مش هغفرلك
غير لما تشوفك
يوم عيني
مش هغفرلك
كلمات
إسلام السيد حسن
السيد سالم
عامر
ليست هناك تعليقات:
إرسال تعليق