خنقه . بقلم المبدع // أحمد فاروق

خنقه

ليه الخنقه مسكاني
وليه الحيره وخداني
لا انا عارف إني أكمل
 ولا عارف اعود تاني

وكل ما أقوال خلاص ح أفرح
أغرق في بحر أحزاني
كل اللي أحبه ليه يجرح
 ويألمني و ينساني

دموعي نازله ليه مني
والآه بقولها تقتلني
ونار كابشها بأيديه
 بتكوي جوه احضاني

أعز الناس بتظلمني
وتبعد عني وتخوني
مش عارف العيب فيه
 ولا ف الدنيا اللي كرهاني

راح ارمي حمولي ع الخالق
لا أنا ح أزعل ولا اضايق
ما دام في رب اسمه رحيم
 عمري ما ح أحس اني وحداني

أحمد فاروق