لسه باقي
لسه بينا حلم باقي
حلم عشناه من سنين
لسه شايف فوق شفايفك ابتسامه
شايله ف عيونك حنين
لسه باقي همس ورده
فوق خدودك
لسه صوت الناي بيفرح
بعد مواله الحزين
لسه باقي ف الليالي
ليله فيها الشمس طله
ليله فيها البدر نور
واترسم فوق الجبين
لسه شايفك زهره ساكنه
جوه قلبي
فيها ريحتك
فيها صورتك
فيها عطر الياسمين
لسه لما بتيجي سيرتك
بفتكرلك كل همسه
كل لحظة حب حلوه
بفتكر دايما قلوب العاشقين
لسه فاكر كل كلمه قلتهالك
لسه فاكر شوقي لما كان ف بالك
لسه احلامنا الجميله
بين عيونك مكتوبين
احمد ابراهيم
ليست هناك تعليقات:
إرسال تعليق