__________ كلبشت صوابعي ______
كلبشت صوابعي في جنازيرك
والخوف جواك بركان
ضوافري ح تخربش خنازيرك
ونهارها ح يشرق فيضان
ح يشل أحلامك و تفكيرك
وح يقفل عليك البيبان
كلبشت صوابعي في خنازيرك
وفاكرني ح عيش جبان
فاكر في الدنيا مفيش غيرك
وحتعيش دايما كسبان
لو نملة سرحت في حريرك
ح تعيش الغفلة الوان
مستحيل أعيش يوم أسيرك
ولو حبستني زمان
شهيقي جواك بيطارد زفيرك
و عمرك ما كنت إنسان
العتمه أشواك في مشاويرك
والرعب جواك سهران
في زمنك النوم ما ح يزورك
ولا ح يعرف قلبك الأمان
_________________________________
................. حسن الشوان ..................
ليست هناك تعليقات:
إرسال تعليق