الخميس، 20 سبتمبر 2018

انا مش خجول ولا مُرتبك . بقلم المبدع // عزام_احمد

انا مش خجول ولا مُرتبك
دانا كنت قبطان مركبك
وانتي الشراع ....
انتي اللي قادره ترَجّعي 
نبضي اللي ضاع ...
ف حكايه خلصت وانتهت 
من يجي 16سنه ...!
انا عيشت فيهم كام سنه 
انا مُت فيهم كام سنه 
انا لسه موجود ولا انا
عايش فِ حاله من الضياع

 محتاج مهدئ للوجع 
ويحلني
أو حد يضربلي الودع
ويدلني
انا كنت عيل واتفزع
لحظة ما قررتي الوداع

 انا لسه موجود ولا انا
عايش فِ حاله من الضياع

 محتاج لفاصل أو فواصل
محتاج أعيد كل اللي حاصل
دانا لسه واصل من سنين 
قضيتها جنبك
سافرت ليكي وبالحنين
حَنيت قلبك 
حنيت لجرعه من التواصل 
أو لمسه منك تنقذيني من الضياع

 انا حد مجنون ولا انا
محتاج مهدئ للصداع

 #عزام_احمد

مرسلة بواسطة في

ليست هناك تعليقات:

إرسال تعليق

الاشتراك في: تعليقات الرسالة (Atom)