عوده للكوميديا
،،،،،،،،،مسحراتي بمب،،،،،،،،،
اصحى يانايم اصحى
طرق بمبه بسرعه يا طارق
حاضر تأمر فاضل عشره
يدوبك شارع جنب مفارق
بكره نكمل بس كفايه
كفاية مين الخلق هتفطر
الضرب ورم ف قفايه
واتغرقت شتيمه واكتر
بدل الطبله جايبلي بمب
اعمل ايه افكارك ديجتل
بلكونه تحدف بكرنب
وبلكونه تشتمني ياهبل
ياد الطبله موضه قديمه
هفلق مخي ليه وانادي
فزعت بمبه حاجه عظيمه
وعشانها اتغرقت زبادي
بكره تاريخنا هيسجلنا
هيكتب فوق الاسم جنان
عادي بس يجيب ف سيرتنا
هنفضل نكره يا ابوقردان
واضح ان سجله دفاتر
ومحاضر شرطه بالكوم
اهرب اجري حكومه حازر
اهرب فين من ضرب الشوم
بقلم فهد النحراوي
يا هريدي البمب فشل
ادخل على الدي جي يامعلم
ليست هناك تعليقات:
إرسال تعليق