ربي يصبر الوالدين ويرحم خاوتنا يارب 😭
***// يا الطايرة العالية غدرتني في كبدتي //***
وحرمتيني من كبدتي وضناية
ماضنيتش يا بوفاريك نجيك
و الدمعة على خدي نازلة جراية
يالي لبحر بحذاك مساميك
وبحر همومي عامق جواية
إديت لي الغالي راهو جاء ليك
وحرمتيني من كبدتي وضناية
يا الطيارة العالية غدرتني في وليدي
قلبك حديد و كبدتك نساية
و يا قلبي كيفاه رايح نواسيك
و الحزن قطعني ماصبت دواية
أه يا ولدي واش يصبرني عليك
في كل دقيقة نشوفك بحذاية
و قلب الوالدين راهو تحرق عليك
و الدار تعمرت وليدي بالعزاية
يا ربي هزيت يديا ناجيك
ترحملي وليدي بجنة ضواية
و تصبر قلبي راني بين يديك
و تخليني نصبرعلى بلايا وقضايا
***// زعي أيوب // ***
ليست هناك تعليقات:
إرسال تعليق