الكاتب فى قصيدة بعنوان { امير الامراء }
امير الآمراء.....................عامل نفسة علامة.
يفقع الفتوى.......................فاكر نفسه فهامة.
قاعد بين الناس يفتى............وعامل الدين شماعة.
طول النهار يسبسب لحيته.....والجلابية لحد الركبة قصرانة.
والسبحة ماسكها فى يومه.......وقارف الناس بعلامه.
قعدتة بين الاموات..............و عقول فى الفكر جعانة.
يرمى الكلام ع السكك..........تلمه كلاب سعرانة.
تنهش فى اللحم الطيب..........و لو عن الطعام شبعانة.
فاضى من جواه ومخوخ.........و ما لوش فى الحياه شغلانة.
عاشق لسكن القبور..............وفرحه وسط الجبانة.
معازيمه من الاموات............و اللى كارهه الدنيا والحالة.
حديثه دايما عن الآخرة.........وفى الدنيا ما يعرف حاجة.
جبل الحلال جنته................و فى الآخرة جهنم شغالة.
قطع الجلابية بإيده...............ومزق نسيج الوطن بأفعالة.
كل امله فى دنيته.................يحكم وسط ناس غلبانة.
الكاتب
محسن أبو حمود
ليست هناك تعليقات:
إرسال تعليق