معاتبة اجيال . بقلم المبدع // نبيل الشضاوى

====معاتبة اجيال====
حبيبى يانقطة فة بحر الكذب والتزيف
اتمنى تعدى لبحر الصدق حتى لو على خفيف
حب اية ومصر اية الى بتكتب علية
انت عايش مغيب يابابا ولا اية
اصحى وفوق وشوف الدنيا فيها اية
العيشة نار ودمار حتى العيش مش قادرين علية
متزعلش منى انا تربيتك يابية
وعيبك انك ربتنى على الصراحة
واقول الحق ومااخاف شيء من بعدية
بتكتب عن حبك لمصر ماشى
بس مش كلهم يابية
دول حتى مش عارفين يحبوها
ولا الحب يعرفو طريق لية
معلش دى غلطتك يابية
علمتنى حب بلدى يكون عمل بضمير
مش استغلال وجشع
وهدم اخلاق فى زمن مرير
بصى حواليك وشوف
كام جامعى على القهاوى قاعدين
والشهايد على الرفوف مترصصين
عايشين لية على الذكريات
كل كلمة اكتوبرياغالى دة زمن وفات
احنا فى العن حرب كلها افات
من مخدرات وعرى واعلام فاسدللعاهرات
وحياة الام المثالية الى وسطها على زمبلكات
ولا ديننا الى بيتحارب منا ومن غيرنا
ولسة ياما نشوف فى زمن العجيبات
يابابا اصحى وفوق ويا تكتب حقائق
ياتسيبنا فى زمن المرارة والاهات
=========نبيل الشضاوى======