هنلف لفة تعالى ياذوق و ندخل يا صاحبى انا و انت السوق هنشوف أهوال الله يعين أصحاب العيال فى السوق يا ولدى.... ستات تفاصل و ستات تماطل و ستات افاضل و وشوش عبوسة و وشوش بشوشه من كتر إيمانها عايز لها بوسة و فى السوق طماطم و السعر صادم و الكل ماشى و فى قلبه كاتم و فى السوق ريحان و مستكة و حبهان و خضار يابنى و فاكهة كمان نشوفها بس.... دا الجيب خويان و فى السوق ناس تبيع و ناس تضيع و أدى طفل ضايع فى عمر الربيع.... و الكل تايه من بكرة خايف من التفكير ما عدش شايف و بعدين يا دنيا دا العيشة غالية و الهم زاد.... ماشيين بلاد عشان الزاد و أدى ناس بتنده على مزاد من خير بلدنا محطوط فى فرش هيرسى طبعا على ناس بكرش فى خير لينا انا مفتكرش و فى النهاية.... من غير رتوش هنلف تانى هنلاقى طبعا نفس الكروش . بقلمى / محسن العربى شاعر الإبداع
ليست هناك تعليقات:
إرسال تعليق