اعلى بشبر عن الارض
احمد صبري
-
انتوا الاتنين حاجة واحدة
انتوا الاتنين مع بعض
عقلين ومشاعر باردة
ولا تفرقوش عن بعض
غدار مع واحدة خاينة
لايقين اوي على بعض
ف عيوني بقيتوا ف ثانية
اعلى بشبر من الارض
-
اعلى بشبر من الارض
وساعات اقل كمان
والدنيا شاشة عرض
والناس اشكال والوان
واللي بتفتكره حبيبك
وبتدي له الامان
اول واحد بيبيعك
واهو هو دا الانسان
-
هتجيب من فين ملايكة
ياللي انت عامل ملاك
الناس منك متدايقة
الناس خلاص كرهاك
اقفل عليك جدرانك
والباب مع الشباك
علم على احزانك
واقتل قلبك جواك
-
لو شافو انك ضعيف
الكل هيجرحوك
والضربة لو بالسيف
يبقوا اللي بيحبوك
والقسوة ترش نار
اغلى ماعندك سابوك
الطيبة صبحت عار
لما اللي منك باعوك
-
لو باقي عندك حنين
خبيه تحت السرير
في ومانا الطيبين
بيشوفوا ظلم كتير
لو كنت عايز تعيش
بطل تعيش للغير
بيع ولا تشتريش
انسى بدون تفكير
ليست هناك تعليقات:
إرسال تعليق