مش لازم تطلب . بقلم المبدعة // ليالي سعيد

مش لازم تطلب الحاجه مرة ولا اتنين
أصل اللي يحبك مش هيستنا حاجتك
ولا تدوس كرامتك بالسؤال
أصل اللي يحبك برضو هيصون كرامتك
وما توجعش روحك وتحط حد بالعين
أصل اللي بتحطو هو اللي بيعميها
وما تشكيش وجعيتك ابدا
أصل اللي يحبك هيحسك قبل الكلام وبعدين
وانما لو ما حسك وخلاك تحتاج 
ورضيلك بذل الحاجه والسؤال
ابقى اسال نفسك وقتها 
هو الحب ايه وفين ؟؟؟
أصل أنا بحبك أوي
وأنت الضي بالعين
لكنك بتوجعني أوي
وكأني بالثار انا مديون
سامحني على الوجيعه
والاهانه منك بجد كبيرة
معلش ولا يهمك 
اصلي حمال الاسية
دوس كمان واقتل
وأوعى تلم ولا تحضن
خليك كده كثير
لحد الموت ما يريحنا
ونقول أهو المصير!!!