خدت وحى من خيالى . بقلم المبدع // مصطفى قمر

خدت وحى من خيالى
قلت الونه ببويه 
يشبه أخضر زى عودى 
والحمار يشبه خدودى 
والسمار داكن جنوبى 
م الصعيد او حتى نوبى
والصفار رملة بلادى
والبياض يشبه قلوبنا
فى العذاب والمر دوبنا 
زرقة الحزن فى عيونا
زى مية بحر شرقى
وف شمالنا بحر تانى
وقفة الحروف تعانى
كل لون وله معانى
وانتم يا بنى صنف تانى
مرصودين من جان انانى 
يخطف اللمة ف ثوانى
تبقى فرقة ونار بتولع
تبقى سرقة ومين بيدفع 
تبقى حسبة فيها برمة
بيض ممشش رهن حرمة
بيه خطبها تاه رباطها
نخلة تايهة عن سباطها
طرحها أخضر ملون
طلحها ابيض معنون 
أما ليفها دود بمشه
كان غطاه لجل يهشه
هاش ما هش وهد عشه
والبلاص قديم ودايب
كان معبى من الحبايب
جبنه دايبه ومش سايب
طق بلاص من جنابه
حد شاف او مره جابه
كلنا سايل لعابه
ريحة الجبنه بتسحر
وفى التراب مخلوطة بيه
وطى غمس منها لقمة
قبلنا قالها ف حكمة
لجل ما نعلا ونعلا ونعلا 
لازم نطاطى----نطاطى--نطاطى

مصطفى محمود مصطفى قمر