اشمخ ي شعبي وارفع جبينك
ما خلق يللي بنيته يهينك
صامد بوجه الظلم والطغيان
وحدك القابض عا زند دينك
واقف لوحدك ضد هالطوفان
في القدس في درة فلسطينك
بالصبر والتقوى وبالايمان
لا تلتفت ع شمال ويمينك
لا تتكل عا امة العربان
عنك تخلو عا مدى سنينك
نسيوك دوما خارج الحسبان
وما فكرو لحظه بتمكينك
دافع عن الاقصى بعنفوان
رب السما يحميك ويعينك
بالروح جود كرامة الاوطان
دم الشهاده دم تكوينك
بالعز موت والبس الاكفان
ولا تعيش بمذلة عدوينك
وصمودك سلاحك بهالميدان
وعلمك ي شعبي زاد تحصينك
مثلك بهالدنيا م في انسان
تراب الوطن اغلى محبينك
اشمخ ي شعبي وارفع جبينك
ما خلق يللي بنيته يهينك
ليست هناك تعليقات:
إرسال تعليق