ﺑﻘﺎﻟﻰ ﻛﺘﻴﺮ ﺑﺤﺲ ﺑﺨﻮﻑ
ﻭﻣﺶ ﻋﺎﺭﻑ ﺃﺳﻤﻊ ﻭﻻ ﺃﺷﻮﻑ
ﺧﺎﻳﻒ ﻋﻠﻴﻜﻰ .. ﺧﺎﻳﻒ ﻋﻴﻨﻴﻜﻰ
ﻓﻰ ﻳﻮﻡ ﺗﻜﻮﻥ ﻣﻠﻴﺎﻧﺔ ﺩﻣﻮﻉ
ﻭﺃﻧﺘﻰ ﺗﺨﺒﻰ .. ﻭﺗﻨﺴﻰ ﻗﻠﺒﻰ
ﻣﻊ ﺃﻥ ﻗﻠﺒﻰ ﻣﻌﺎﻛﻰ ﻣﻮﺟﻮﻉ
ﺃﺻﻠﻰ ﺑﺤﺲ ﺗﻤﻠﻰ ﺑﻴﻜﻰ
ﺃﻋﻤﻞ ﺃﻳﻪ ﻣﺎ ﺃﻧﺎ ﺩﻭﺑﺖ ﻓﻴﻜﻰ
ﺩﻭﺑﺖ ﺩﻭﺏ .. ﻗﺪﺭ ﻣﻜﺘﻮﺏ
ﻟﻤﺎ ﺃﺷﻮﻓﻚ ﺃﺗﻮﻩ ﻭﺃﺣﺐ
ﻭﻗﻠﺒﻚ ﻳﺒﻘﻰ ﺃﺣﻠﻰ ﻗﻠﺐ
ﻭﺃﺧﺪﻧﻰ ﻓﻴﻪ .. ﻣﺪﻭﺑﻨﻰ ﺑﻴﻪ
ﻣﺨﻠﻴﻨﻰ ﺑﺲ ﻋﺎﻳﺶ ﻋﻠﻴﻪ
ﺃﻋﻤﻞ ﺃﻳﻪ ... قوﻟﻴﻠﻰ ﺃﻧﺘﻰ ﺃﻋﻤﻞ ﺃﻳﻪ ؟
ﺑﺲ ﺑﻴﻦ ﻛﻼﻣﻰ ﻭﺣﻠﻤﻰ بحس ﺃﻧﻰ ﺑﺠﺪ ﺧﺎﻳﻒ
ﺧﺎﻳﻒ ﺃﻛﻮﻥ ﻏﺮﻗﺎﻥ ﻓﻰ ﻭﻫﻤﻰ
ﻭﻗﻠﺒﻰ ﺃﻋﻤﻰ ﻭﻣﺎﻛﻨﺶ ﺷﺎﻳﻒ
ﺃﺻﻠﻰ ﻋﺎﺭﻑ ﺃﻧﻚ ﺃﻧﺘﻰ ﻟﻴﻜﻰ ﺣﻴﺎﺗﻚ
ﻟﻴﻜﻰ ﺩﻧﻴﺎ ﺑﺘﺎﻋﺘﻚ ﺃﻧﺘﻰ ﺣﺘﻰ ﻟﻤﺎ ﺑﻘﻮﻝ ﺣﺒﻴﺒﺘﻰ
ﺃﻛﻴﺪ ﻓﻰ ﻏﻴﺮ ﺑﻴﻘﻮﻟﻬﺎﻟﻚ ﺃﻳﻮﺓ ﻋﺎﺭﻑ ﺃﻧﻰ ﻣﻨﻚ
ﺃﻳﻮﺓ ﺷﺎﻳﻒ ﺟﻮﺓ ﺣﻀﻨﻚ ﻗﻠﺒﻰ ﺑﺲ .. ﺑﻴﻪ ﺑﺤﺲ
ﺑﺲ ﺑﺮﺿﻪ ﺑﻠﻘﻰ ﺣﺲ ﺑﻴﻘﻮﻝ ﺍﻧﻚ ﻣﺶ ﻋﺸﺎﻧﻰ
ﻭﺃﻥ ﻗﻠﺒﻚ ﻣﺶ ﻣﻜﺎﻧﻰ ﻭﺃﻥ ﺯﻣﻨﻚ ﻏﻴﺮ ﺯﻣﺎﻧﻰ
ﻭﺃﻧﻰ ﻣﻬﻤﺎ ﺃﺭﺳﻢ ﺃﻣﺎﻧﻰ ﻣﺶ ﻫﺘﺒﻘﻰ ﻣﻜﺘﻮﺑﺎﻟﻰ
ﻣﺶ ﻫﺘﺒﻘﻰ ﻏﻴﺮ ﺧﻴﺎﻟﻰ ﻣﺶ ﺣﻘﻴﻘﺔ .. ﻭﺍﻟﺤﻘﻴﻘﺔ
ﺃﻧﻰ ﺍﻋﻤﻰ ﻭﻣﺶ ﻓﻰ ﺑﺎﻟﻰ أﻧﻰ ﻣﺶ ﺷﺎﻳﻒ ﺣﻘﻴﻘﺘﻰ
ﺃﻧﻚ ﺃﻧﺘﻰ ﺣﺐ ﻋﻤﺮﻯ .. ﺍﻟﻠﻰ ﻋﻤﺮﻯ
ﻣﺎﻫﻘﺪﺭ ﺃﺑﻌﺪ ﻋﻨﻪ ﺛﺎﻧﻴﺔ وﻣﺶ ﻫﻀﻤﻪ ﻓﻰ ﺣﻀﻨﻰ ﺛﺎﻧﻴﺔ
ﻳﺒﻘﻰ ﺃﺣﺴﻦ ﺃﻧﻰ ﺃﻣﻮﺕ ﻭﺍﻟﺴﻨﻴﻦ ﺗﻔﻀﻞ ﺗﻔﻮﺕ
ﻭﺃﻓﻀﻞ ﺃﺑﻜﻰ ﻭﺑﻴﻦ ﻗﺼﺎﻳﺪﻯ ﺃﻓﻀﻞ ﺃﺣﻜﻰ
ﻭﻣﻬﻤﺎ ﻳﺠﺮﻯ .. ﻭﻣﻬﻤﺎ ﻳﺤﺼﻞ أﺑﻘﻰ ﻣﺴﺠﻮﻥ ﻟﻠﺴﻜﻮﺕ
ﻭﻣﻴﻦ ﻳﺎ ﺩﻧﻴﺎ ﺳﺎﻣﻌﻠﻰ ﺻﻮﺕ ﻻ ﺍﻟﻘﺮﻳﺐ .. ﻭﻻ ﺍﻟﺤﺒﻴﺐ
ﻫﻮ ﺩﻩ ﺣﻜﻢ ﺍﻟﻘﺪﺭ ﻫﻮ ﺩﻩ ﺃﺻﻌﺐ ﻧﺼﻴﺐ
ﺃﻧﻰ ﺃﻓﻀﻞ ﺟﻮﺓ ﺣﻠﻤﻰ ﺍﻟﻒ ﺃﻃﻮﻑ
ﻭﺃﺑﻘﻰ ﺷﺎﻳﻞ ﺟﻮﺓ ﻣﻨﻰ ﺃﻟﻒ ﺧﻮﻑ...........
#فوزي الشيمي#
ليست هناك تعليقات:
إرسال تعليق